-
1
"ӨДӨР"
Өглөө 06:30 цагт шинэ Чингис Хаан нисэх онгоцны буудалд цуглана. Бүртгэлээ хийлгээд МИАТ компанийн шууд нислэгээр өглөөний 08:45 цагт Тайландын нийслэл Бангкок хотыг зорин хөөрч орон нутгийн цагаар 14:10 цагт Суварнабум нисэх онгоцны буудалд газардана. Хилээр нэвтэрсний дараа бид Паттаяа хотын зүг хөдөлнө. Оройн хоолоо идсний дараа буудалдаа ирж амарна. Зочид буудал: Jomtien Palm beach Hotel & resort Хоол: Оройн хоол
-
2
"ӨДӨР"
Өглөөний цайны дараа бид “Nong Nooch” цэцэрлэгт хүрээлэнд очиж Тай үндэсний шоу болон Зааын шоу үзүүлбэрийг үзнэ. Үүний дараа Тайландын хамгийн том бөгөөд дээд зэрэглэлийн үнэт эдлэлийн төв болох Жем Галлерайгаар зочилж эрдэнийн чулуун гоёлуудаас худалдан авалт хийх боломжтой. Паттаяа хотын далайн эрэгт байрлах Тайланд улсын хамгийн үзэсгэлэнтэй сүмүүдийн нэг болох “Sanctuary of Truth (Үнэнийг хамгаалагч)” сүмээр зочилно. Тус газар нь зураг авахуулахад хамгийн тохиромжтой газар билээ. Паттаяа хотын далайн эрэг дээр байрлах буудалдаа ирж амарна. Зочид буудал: Jomtien Palm Beach hotel & resort Хоол: Өглөө, Өдөр
-
3
"ӨДӨР"
Өглөөний цайны дараагаар Coral island буюу Шүрэн арал руу завиар явна. Арал дээр цагаан элс, бүлээн тунгалаг устай далайн усанд орж, наран шарлагын газарт тааваараа амрахаас гадна шүхрээр татуулах, усны мотоцикл унах, далай доогуур аялах, банана завиар татуулах гэх мэт усан спортуудаас нэмэлт төлбөртэйгөөр зугаацаж болно. Арал дээр далайн гаралтай өдрийн хоол иднэ. Шүрэн арлаас буцаж ирмэгцээ Паттаяа хотын аквариумаар зочилж далайн амьдрал болон сонин содон загас, амьтадтай танилцна Шүрэн арлаас буцаж ирээд оройн хоолоо идээд буудалдаа ирж амарна. Зочид буудал: Jomtien Palm Beach Hotel & Resort. Хоол: Өглөөний цай, өдрийн хоол, оройн хоол
-
4
"ӨДӨР"
Та энэ өдөр өөрийн хүслээр чөлөөтэй байх бөгөөд зочид буудалдаа амрах, далайн эргээр зугаалах, наран шарлагын газар биеэ шарах, Паттаяа хотын төвөөр дэлгүүр хэсэх зэргээр өдрийг өнгөрөөх боломжтой. Мөн үдэш нь та тус хотын шөнийн амьдралтай танилцаж, шоу цэнгээний гудмаар зугаалах боломжтой. Энэхүү гудамж нь баар, диско, стриптиз клубууд, рок хамтлагийн хөгжмийн тоглолттой паб, Тай боксын бооцоот тоглолт зэрэг төрөл бүрийн зугаа цэнгэлийн газруудтай. Паттаяа далайн эрэгт байрлах зочид буудалд ирж байрлана. Зочид буудал: Jomtien Palm Beach Hotel & Resort. Хоол: Өглөөний цай
-
5
"ӨДӨР"
Өглөөний цайны дараагаар бид Сиам усан парк –д ирж өдрийг зугаатай өнгөрөөнө. Сиам усан парк нь Тайланд улсын анхны бөгөөд хамгийн том усан парк юм. Хүүхэд, насанд хүрэгчдэд зориулсан олон янзын усан гулгуур байдгаас гадна нялх хүүхдийг зугаацуулах талбай хүртэл байдаг. Энэ үдэш бид цоо шинээр нээгтсэн Шоколадны тосгоноор зочилж оройн хоол идэхээс гадна үзэсгэлэнтэйгээр тохижуулсан мухлагуудаар хэсч амттан худалдан авах, зураг авахуулах зэргээр цагийг зугаатай өнгөрөөх боломжтой Оройн буудалдаа ирж амарна. Зочид буудал: Pullman Bangkok Hotel G Хоол: Өглөөний цай, өдрийн хоол, оройн хоол
-
6
"ӨДӨР"
Энэ өдөр чөлөөт амралтын өдөр тул та өөрийн хүссэнээр буудалдаа амрах, ойр орчмын газруудаар зугаалах болон Бангкок хотын худалаа үйлчилгээний томоохон төвүүдээр үйлчлүүлж, дэлгүүр хэсэх боломжтой. Зочид буудал: Pullman Bangkok Hotel G Хоол: Өглөөний цай
-
7
"ӨДӨР"
Өглөөний цайны дараа бид Бангкок хотод хүрэлцэн ирж тус хотын аяллаа эхэлнэ. Тайландын эзэн хааны Их Ордонд (Grand Palace) зочилж эзэн хааны шүтээн Маргад Эрдэнийн Будда (Emerald Buddha) үзнэ. Өдрийн хоолоо Тайландын хамгийн өндөр барилгуудын нэг болох “Bayoke Sky Tower”-ийн 84 давхарт олон улсын буфет хоол зооглоод зочид буудалдаа ирж амарна. Оройн хоолоо бид усан онгоцон дээр шөнийн үзэсгэлэнт Бангкок хотыг тольдонгоо зооглоно. Зочид буудал: Pullman Bangkok Hotel G Хоол: Өглөөний цай, өдрийн хоол, оройн хоол
-
8
"ӨДӨР"
Өглөөний цайгаа уусны дараа та буудлын өрөөгөө хүлээлгэж өгөөд 12:00 цаг хүртэл шоппинг хийж болно. 12:00 цагт зочид буудлаас онгоцны буудал хөдөлнө. Нислэгийн бүртгэлээ хийлгэсний дараа 15:15 цагт Бангкок Улаанбаатарын чиглэлд ниснэ. Улаанбаатарын шинэ нисэх буудалд 22:25 цагт газардана. Хоол: Өглөөний цай
"Тайланд аяллын онцлох зүйлс"
Таны Цаг Зав, Тав Тухад Тохируулан 8 Өдөр 7 Шөнийн Хугацаанд Өвөрмөц Соёл, Байгалийн Үзэсгэлэнт Арал, Дурсгалт Газар Нутгуудтай Танилцан, Тайландын Тансаг Аялалдаа Урьж Байна.
"Гол үзэх зүйлс"
Nong Nooch цэцэрлэгт хүрээлэн, Sanctuary of Truth буюу Үнэнийг хамгаалагч сүм, Coral island буюу Шүрэн арал, Паттаяа хотын аквариум, Сиам усан парк зэрэг зүйлсүүдийг үзэх боломжтой